19 | 03 | 2024
Neue Artikel

Alderle ! A-Klass - mir bleiwe !!!

30.5.2014

S´had so richdig gebassd zum Vadderdaag: Mir hen g´wonne un bleiwe in de A-Klass!!!

Alderle, was hen mir gebibberd in de ledschde Woche. Nach denne viele 1:2 – Niederlage em Ofang von de Runde hääwe immer g´sagd, mir schdeige ned ab, weil jo die Laischdunge ned so schlächd ware. Mid de Zeid hasch awwa scho ä bissel gebibberd, wenn der´s a ned omerge hasch lasse.

Als´e geschdern nuff komme bin, häwwe denggd, was ischen mid´em Rase bassierd, der war so richdig schee abrasierd. Als nach ned ämol oinere Minud der, der´s Tor g´schosse had, de Rase g´schdraicheld had, war mer alles klar. Schmitti, der Rasenmäher!!!

Des 4:1 had richdig guud gedu. Un de Vadder von dem, der die annere 3 Tor g´schosse had, de Daniel nämlich, war so was von schdolz, dasses nemmeh zum aushalde war. Als´em awwa g´saagd häb, dass en Annerer g´saagd had, dasser des von seinere Mudder hed, war´er saumäßig belaidigd.

Jedzd hemmer´s g´schaffd, kenned durchschnaufe un in de neie Runde widder von vorne ofange. Nadierlich fraid´mes a fir unsere Zwaide, die scho lang de Bladz in de B-Klass g´sicherd hen.

In derre Runde isch sicherlich Oiniges schief g´loffe. Schdrich drunner un aus de Fehler lerne. Fir alle Betailigde gild´s gleiche wie fir de Ordschafdsrad: „Z´sammereiße!!!“

Wenn alle an oim Schdrang ziehe un a mol des Oine odder Annere eischdegge kenne, dann häwwe koi Sorg, dass´mer a nägschd Johr widder ä guude Säsong schbiele. Hen´der scho mol regischdried, wie viel Zuschauer mir hen?! Des saagd saumäßg viel aus.

Also, mir sin häbbi un kenned uns jedzd alle uff d´WM fraie;  so langsam kenne´der widder d´Fähnele raushole.

Eier Aldere

Iiebrigens: A mir bleiwe „A-Klasse-Grufdies!!!“

Suchen
Sponsoren
Vereine
Wir helfen
Polizeiberichte der Region